Yeganə qolu 118-ci dəqiqədə Anxel Di Mariya vurdu.

Dünya çempionatının 1/8 finalın növbəti oyununda Arqentina yığması İçveçrə üzərində çox çətin bir oyunda minimal hesabla qələbə qazandı, 1:0.

Oxu.Az xəbər verir ki, oyunun əsas vaxtında komandalardan heç biri fərqlənə bilmədi, və əlavə 30 dəqiqə oynanıldı.

Hamının oyunun penaltilər seriyasına gedəcəyini fikirləşdiyi bir vaxtda, 118-ci dəqiqədə bütün oyun boyu fəallığı ilə seçilən Anxel Di Mariya Messinin ötürməsindən sonra isveçrəliləri məyus etdi.

Son dəqiqədə isə Cəmayli hesabı bərabərləşdirə bilərdi, lakin onun zərbəsindən sonra top qapı tirinə tuş gəldi.

Beləliklə, Arqentina İsveçrə minimal hesabla məğlub etdi, 1:0 və 1/4 finala yüksəldi.

Onların rəqibi bu gecə bakı vaxtı ilə saat 01:00 başlayacaq Belçika-ABŞ oyununda müəyyənləşəcək.