Məlum olduğu kimi 21 may 2014-cü il tarixində şəhər İcra Hakimiyyəyinin rəhbərliyi, eləcədə hüquq mühafizə orqanlarının, müəssisə və təşkilat rəhbərlərinin iştirakı ilə Ümummilli Lider Heydər Əliyevin abidəsinin önündə məhəllə və mikrorayonların 1999-2000; 2001-2002 ci il təvəllüdlü oğlanları arasında IV mini-futbol yarışının açılış mərasimi keçirilmişdir.
Açılış mərasimində 68 məhəllə və mikrorayonlardan 100-dən çox komandada 1000-dən artıq yeniyetmə iştirak etmişdir.
22 may tarixindən startı verilən məhəllədaxili, zona və final mərhələsindən ibarət olan yarışa 30 iyun tarixində yekun vurulmuşdur. Oyunlar əsasən
şəhərdə yeni qurulan nümunəvi məhəllələrdə tikilmiş süni örtüklü mini-futbol meydançalarda təşkil edilmişdir.
İki aya yaxın davam edən, gərgin və maraqlı idman mübarizəsi şəraitində keçən yarışda bütün rəqiblərinə qalib gələrək Baş İdarənin kubokuna kiçik yaş qrupuda 10-cu mkr-onun, böyük yaş qrupunda isə 1-ci mkr-onun komandaları sahib olmuşdur.
Kiçik yaş qrupu üzrə yarışda II və III yerləri müvafiq olaraq 2-ci və 9-cu mkr-onların komandaları tutmuşdur. 8-ci mkr-onun komandası IV olmuşdur.
Böyük yaş qrupu üzrə isə II yeri 8-ci mkr-onun, III yeri Tuq zavodun, IV yeri “İnşaatçılar” qəsəbəsinin komandaları tutmuşdur.
Ümumilikdə yarış ərzində 150-ə yaxın oyun keçirilmişdir.
Təşkilat Komitəsinin qərarına əsasən I yerləri tutan komandaların üzvülərinə xatirə hədiyyələri, I-IV yerləri tutan komandalara kubok, üzvülərinə isə medal və fəxri fərmanlar Sumqayıt şəhər Gənclər və İdman Baş İdarəsinin rəisi cənab Musa Həsənov tərəfindən təqdim edilmişdir. Bununla yanaşı 1-ci, 2-ci, 3-cü yerləri tutmuş komandalar Quba rayonunda car ilin iyul-avqust aylarında təşkil ediləcək
Sumqayıt gənclərinin “Yay məktəbi” çərçivəsində istirahət etmək hüququ əldə etmişdir.
Pərviz Cəmilov
Baş İdarəsinin Bədən Tərbiyəsi və İdman sektorunun aparıcı – məsləhətçisi
Xəbərdən istifadə edərkən istinad etmək vacibdir.
