Afrikalılardan heç kim bu cür müqaviməti gözləmirdi.

Braziliyanın Portu-Aleqre şəhərinin “Beyra-Rio” stadionunda Almaniya və Əlcəzair yığmaları arasında 1/8 finalın növbəti oyunu keçirildi.

Oxu.Az xəbər verir ki, almanlar çox çətin bir oyunda Əlcəzair yığmasının minimal üstünlüklə məğlub etdilər. 

Oyunun əsas vaxtında komandalardan heç biri hesabı aça bilmədi, baxmayaraq ki hər iki yığmanın bunun üçün çox gözəl imkanları var idi. Əsasən də əlcazairlilərin. Almanlar bütün komanda ilə hücuma keçəndə, müdafiəni unudurdular. Afrikalılar bundan istifadə edib çox təhlükəli əks hücumlar yaradırdılar. 

Əlavə 30 dəqiqə isə oyun daha da maraqlı alındı. 

92-ci dəqiqədə Müllerin ötürməsindən sonra Andre Şürle çox gözəl bir qol vurdu. 

120-ci dəqiqədə Məsut Özil hesab arasındakı fərqi iki topa çatdırdı. Lakin əlcəzairlilər bundan sonra da təslim olmaq fikrində deyildilər. 

Buraxılmış qoldan bir dəqiqə sonra Djabu fərqi yenə minimuma endirdi. Sonrasına isə vaxt yox idi.

Almaniya 2:1 Əlcəzair.

Məğlubiyyətə baxmayaraq, Əlcəzair yığması ayrıca tərifə layiqdir. 

Almanları isə 1/4 finalda fransızlarla çətin oyun gözləyir.