Xames Rodriqes turnirin ən sərrast futbolçusu olaraq qalır.

Dünya çempionatının 1/4 final oyununda mundial sahibləri Braziliya komandası Kolumbiya yığmasına qalib gələrək yarımfinala yüksəldi.

Oxu.Az xəbər verir ki, ilk hissə tamamilə braziliyalıların üstünlüyü ilə keçdi. 

Artıq 7-ci dəqiqədə künc zərbəsindən sonra komandanın kapitanı Tiaqo Silva oyunda hesabı açdı.

69-cu dəqiqədə David Luis cərimə zərbəsindən, təxminən 35 metrlik məsafədən gözəl qol vuraraq, hesab arasındakı fərqi ikiyə çatdırdı.

80-ci dəqiqədə çempionatın ən sərrast futbolçusu Xames Rodriqes penaltini dəqiq yerinə yetirərək fərqi minimuma endirdi. 

Lakin Kolumbiya yığmasının sonrakı hücumları heç bir nəticə vermədi.

Braziliya millisi yarımfinalda Almaniya ilə qarşılaşacaq. 

www.oxu.az