"Sumqayıt" Futbol Klubu daha iki futbolçu ilə müqavilə imzalayıb. 

Bunlardan biri Azərbaycan millisinin sabiq yarımmüdafiəçisi Aleksandr Çertoqanovdu.

O, daha 1 il bu komandanın şərəfini qoruyacaq. Adıçəkilən futbolçu ötən mövsüm olduğu kimi, bu mövsümdə də 18 nömrəli formanı geyinəcək.

Qeyd edək ki, 34 yaşlı Çertoqanov 2013/2014 mövsümündə "Sumqayıt" Futbol Klubunda ən çox oyun keçirmiş ikinci futbolçu olub. O, ümumilikdə 31 qarşılaşmada 2408 dəqiqə meydanda olub.

"Sumqayıt" eyni zamanda sabiq yarımmüdafiəçisi, ötən mövsümü AZAL-da keçirmiş Murad Ağayevi heyətinə qatıb. 1993-cü il təvəllüdlü futbolçu "Sumqayıt"la 2 illik müqavilə imzalayıb. Murad 45 nömrəli futbol formasını geyinəcək.

Xatırladaq ki, Murad 2012/2013 mövsümünü "Sumqayıt" FK-da keçirib. U-21 millismizin üzvü komandamızda mövsüm ərzində ümumilikdə 25 qarşılaşmada 1845 dəqiqə meydanda olub.(futbolmedia.az)