Cinin Nanjinq şəhərində Yeniyetmələrin II Yay Olimpiya Oyunlarına start verilib. Azərbaycanın yeniyetmələrdən ibarət olimpiya milli komandası Nankin Oyunlarında 9 idman növü üzrə olmaqla 21 idmançı ilə təmsil olunur.
Dünyanın ən güclü yeniyetmə idmançılarının qatıldığı oyunlarda Sumqayıt cüdo məktəbinin yetirməsi Natiq Qurbanlı milli komandanın tərkibində şəhərimizi təmsil edib. Sumqayıt şəhər 2 saylı Uşaq-Gənclər İdman Məktəbinin yetirməsi N. Qurbanlı məşqçi Zaur İsgəndərovun rəhbərliyi altında məşqlərə başlayıb, 2013-cü ildə ABŞ-ın Mayami şəhərində keçirilən Dünya birinciliyinin qalibi olaraq II Yay Olimpiya Oyunlarına vəsiqə əldə edib. Oyunlarda yüksək əzmkarlıq nümayiş etdirərək finala vəsiqə qazanan Natiq yalnız finalda məğlub olaraq gümüş medal qazanıb. |
| |
2010-cu ildə Sinqapurda təşkil olunan Yeniyetmələrin I Yay Olimpiya Oyunlarında şəhərimizi 2 idmançı təmsil edib, sərbəst güləş yarışlarında gümüş medal qazanan Kənan Quliyev Sumqayıta bu yaş qrupunda ilk Olimpiya medalını gətirib.(zaman.az) |
Xəbərdən istifadə edərkən istinad etmək vacibdir.
