Azərbaycan Premyer Liqasının VII turunda "Sumqayıt" səfərdə "Simurq"la qarşılaşacaq.

 Rekord.az xəbər verir ki, bu oyun sumqayıtlları əməlli-başlı həyəcanlandırır.

 İş ondadır ki, "Simurq" yarandığı gündən Sumqayıt klublarının "qara kabus"una çevirilib. Buna qədər Sumqayıtı təmsil edən "Gənclərbirliyi" və "Standard" klubları "Simurq"u məğlub edə bilməmişdi. "Sumqayıt" yaranandan sonra da bu ənənə pozulmadı. Belə ki, "şəhərlilər" bu günə qədər "Simurq"a qarşı keçirdikləri matçların cəmi birində heç-heçə edə biliblər. Qalan bütün oyunlarda isə uduzublar. Görək, "kara kabus" bu həftə də davam edəcək?