Bakı şəhəri 12 nömrəli tam orta məktəbdə keçirilən yarışlara 400-ə yaxın şagird qatılıb. Şəxsi xarakter daşıyan yarış İsveçrə sistemi üzrə keçirilib, komandaların tərkibi 7-10 yaşlı 3 oğlan və 3 qız olmaqla 6 nəfərdən ibarət olub.

2, 3 və 4-cü siniflər üzrə şəxsi yarışlarda 1-ci, 2-ci və 3-cü yerləri tutan məktəblilər diplom, medal və qiymətli hədiyyələrlə, fərqlənən şahmatçılar isə diplomla təltif olunub.

Qeyd edək ki, qaliblər arasında Sumqayıtdan olan məktəbli şahmatçı da var. Belə ki, "Təfəkkür" liseyinin 4-cü sinif şagirdi Leyla Rzalı bütün rəqiblərini məğlub edərək məktəbli qızlar arasında birinci yeri tutub və qızıl medal qazanıb.

Elnarə Salamova

Xeberle.com