Fövqəladə Hallar Nazirliyinin Dövlət Yanğından Mühafizə Xidməti və Fövqəladə Hallar Nazirliyi işçilərinin Həmkarlar İttifaqının təşkilatçılığı
ilə Dövlət Yanğından Mühafizə Xidmətinin mərkəzi aparatı, Bakı və Sumqayıt
qarnizonlarının idarə, dəstə və hissələri arasında mini-futbol üzrə çempionat
keçirilib.
Xeberle.com-un məlumatına görə, 19 komandanın iştirakı ilə DYMX-nin idman bazasında keçirilən
birincilikdə Sumqayıt şəhər Dövlət Yanğından Mühafizə İdarəsinin komandası
1-ci, Xətai və Qaradağ rayon Dövlət Yanğından Mühafizə hissələrinin komandaları
isə müvafiq olaraq 2-ci və 3-cü yerlərə layiq görülüblər.
Qalib
komandalara Dövlət Yanğından Mühafizə Xidmətinin rəis müavini Rasim Kərimov və
Fövqəladə Hallar Nazirliyi işçilərinin Həmkarlar İttifaqının sədri Mehman
İsmayılov kubok, medal, diplom və qiymətli hədiyyələr təqdim edib.
Elnarə
Salamova
Xeberle.com
Xəbərdən istifadə edərkən istinad etmək vacibdir.
