Futbol üzrə milli komandamız bu gün növbəti yoldaşlıq görüşünü keçirəcək.
Qurban Qurbanovun rəhbərlik etdiyi yığmamız Qazaxıstan millisi ilə qarşılaşacaq.
"Astana Arena"da keçiriləcək matç Bakı vaxtı ilə saat 18:00-da başlayacaq. Bu, Qurban Qurbanovun millimizə baş məşqçi təyin edildikdən sonra keçirilən ilk rəsmi səfər oyunudur. Komandamızın bunadək 4 yoxlama oyunundan 2-i Antalyada, 2-i isə Bakıda olub.
Qeyd edək ki, bu, millimizin Qurban Qurbanovun rəhbərliyi altında 5-ci oyunu olacaq. Bunadək 4 yoxlama oyunu keçirən yığmamız Moldova və Makedoniya ilə heç-heçə edib, Belarusa məğlub olub, Qırğızıstana isə qalib gəlib.
Bu görüşü Moldovalı hakimlər briqadası idarə edəcək.
5 iyun
Yoldaşlıq görüşü
18:00. Qazaxıstan – Azərbaycan
Hakimlər: Aleksandr Tyan, Andrey Bodyan, Viktor Mardari, Dmitri Muntyan
Astana. "Astana Arena”
Matç "CBC Sport” kanalı vasitəsilə canlı yayımlanacaq. (Publika)

Xəbərdən istifadə edərkən istinad etmək vacibdir.