"Sumqayıt” klubu daha bir futbolçu ilə müqavilə imzalayıb.
"Report"un klubun saytına istinadən verdiyi məlumata görə, "gənclik şəhəri" təmsilçisi "Qəbələ”nin üzvü Yusif Nəbiyevi bir illik icarəyə götürüb. 
Bu, "Sumqayıt"ın 4-cü transferi olub. Nazim Süleymanovun baş məşqçi olduğu kollektivə daha əvvəl Əfran İsmayılov, Elvin Məmmədov və Şəhriyar Əliyev cəlb edilib. 
Qeyd edək ki, Yusif Nəbiyev 2016/2017 mövsümündə də "Sumqayıt"ın şərəfini qoruyub. 20 yaşlı cinah müdafiəçisi 19 oyunda (1268 dəqiqə) 3 qola imza atıb.

Xəbərdən istifadə edərkən istinad etmək vacibdir.