Bu gün "Sumqayıt" Futbol Klubunun məşqçisi
Vaqif Paşayev 65 illiyini qeyd edir. Vaqif Paşayev 9 iyul 1953-cü ildə Bakı şəhərində
anadan olub. Futbolçu karyerasına 1972-ci ildə Ukraynanın "OİK"
(Lvov) komandasında başlayan adıçəkilən mütəxəssis oynadığı illərdə
"Araz" (Bakı) və "Avtomobilçi" (Yevlax) klublarının şərəfini
qoruyub. 1984-cü ildə yaşıl meydanlarla vidalaşan Paşayev elə həmin ildən
"Yunqa" (Bakı) uşaq futbol məktəbində məşqçi kimi fəaliyyətə
başlayıb. 1996-1998-ci illərdə U-15 və U-16 milli komandalarımızın baş məşqçisi
olmuş adıçəkilən mütəxəssis 2003-2007-ci illərdə "MOİK" (baş məşqçi),
2009-cu ildə "Neftçi"nin gənclərdən ibarət komandasında (baş məşqçi)
2010-cu ildə isə I divizionda çıxış etmiş "Abşeron" (baş məşqçi)
klublarında çalışıb.
2011-ci ildən "Sumqayıt" Futbol Klubunda
fəaliyyətini davam etdirən Vaqif Paşayev müxtəlif dövrlərdə əvəzedici və U-19
komandasının baş məşqçisi olaraq fəaliyyət göstərib.
Qeyd edək ki, Vaqif Paşayev ölkə futboluna bir çox
tanınmış simaları bəxş edib.
Xeberle.com
Xəbərdən istifadə edərkən istinad etmək vacibdir.
