2018/2019 mövsümünə hazırlaşan "Sumqayıt" hazırlığın 2-ci mərhələsi üçün yollandığı Boluda bu gün növbəti yoxlama matçına çıxıb.
Xeberle.com-un Qol.az-a istinadən xəbərinə görə, Nazim Süleymanovun rəhbərlik etdiyi komanda Superliqa təmsilçisi "Yeni Malatyaspor"la üz-üzə gəlib.
Topuk Yaylası idman kompleksinin stadionunda keçirilən qarşılaşma "Sumqayıt" qələbəsi ilə başa çatıb - 3:1.
"Sumqayıt"ın heyətində Yusif Nəbiyev dubl edib. Digər qolu isə Əfran İsmayılov vurub.
Qeyd edək ki, "Sumqayıt" hazırlıq çərçivəsində daha əvvəl Qətərin "Əl-Şəhaniyə" klubu ilə heç-heçə edib (1:1), Türkiyə təmsilçisi "Alanyaspor"a isə 0:7 hesabı ilə uduzub.
Xəbərdən istifadə edərkən istinad etmək vacibdir.
