Xeberle.com klubun mətbuat xidmətinə istinadən xəbər verir ki, artıq əsas meydanın həm suvarma, həm də drenaj sistemi quraşdırılıb. Yaxın günlərdə üst qatın torpaq hissəsinin yerləşdirilməsinə də başlanılacaq. Eyni proses təbii örtüklü olması nəzərdə tutulan yardımçı meydançada da aparılır. Arxa hissədə tikilən süni örtüklü meydançanın hasara alınması işləri də davam etdirilir. Həmin meydanın suvarma sisteminin quraşdırılması isə artıq başa çatmaq üzrədir. Qeyd edək ki, 2013-cü ilin sentyabrında Sumqayıtda müasir standartlara cavab verəcək şəkildə tikilmiş, müasir qurğu və avadanlıqlarla təchiz edilmiş yeni stadion futbolsevərlərin ixtiyarına verilib. Sumqayıtda futbola marağın getdikcə artması və "Sumqayıt” PFK-nın Azərbaycan birinciliyindəki uğurları nəzərə alınaraq, SOCAR-ın "Azərikimya” İstehsalat Birliyi tərəfindən stadionun ikinci buraxılış kompleksinin tikintisinə start verib.