Ukraynada Kiyev "Dinamo"sunun baş məşqçi postunda dəyişikliyin gündəmdə olması müzakirə obyektinə çevrilib.
Football.ua saytı son turlardakı uğursuz oyunlar və komandanın Çempionlar Liqasından kənarda qalmasının belaruslu çalışdırıcı Aleksandr Xatskeviçin istefaya göndərilməsi ilə nəticələnə biləcəyini yazıb.
44 yaşlı mütəxəssisi əvəzləyə biləcək məşqçilərin adları da artıq açıqlanıb. Potensial çalışdırıcılar arasında "Qəbələ"nin sabiq baş məşqçisi Roman Qriqorçukun da adı var: "Bu məşqçi "Çernomorets"i Avropa Liqasının qrupunda, ordan da pley-offa çıxarandı Bu məşqçi adi "Qəbələ"ni hamıdan güclü "Qarabağ"la Azərbaycanda çempionluq mübarizəsinə qoşandı. Yəqin ki, Ukrayna futbouna ən pedantik məşqçidi. "Qəbələ"ylə yüksəlişdən sonra Qazaxıstanın ən güclü komandası olan "Astana"nı qəbul etdi. Ancaq bir aydan sonra "ailə məsələləri" kimi qələmə verilərək evə getdi. Hələ ki rəsmən işindən azad olunmayıb, ancaq baş məşqçi vəzifəsini icra edən Qriqori Babayan mətbuat konfranslarında qeyd edir ki, komandaya öz taktikasını qoyur. "Dinamo"nun prezidentinin Roman İosifoviçin namizədliyini beynindən saxlaması aşkardı".
Qrqioqrçukla yanaşı, Andrey Şevçenko, Yuri Vernidub, Oleq Dulub və Leonid Kuçuk da Kiyev klubunun sükanı arxasına əsas namizədlərdən hesab olunur.
(Qafqazinfo)
Xəbərdən istifadə edərkən istinad etmək vacibdir.
