"Qarabağ”ın UEFA Avropa Liqasının II turunda İngiltərənin "Arsenal” komandası ilə keçirəcəyi oyuna şəxsi avtomobilləri ilə gələnlər Bakı Olimpiya Stadionunun ictimai dayanacağından yararlana biləcəklər.
Xeberle.com xəbər verir ki, BOS-un mətbuat xidmətindən Oxu.Az-a verilən məlumata görə, nəzərdə tutulan yerlər dolduqdan sonra digər avtomobillərin girişinə icazə verilməyəcək. Böyükşor bulvarı boyunca "Dayanma və Durma” nişanının təsiri olan ərazilərdə avtomobil saxlamaq qəti qadağandır.
Oyuna gələrkən şəxsiyyət vəsiqəsi tələb olunmur, yalnız bilet lazımdır. Biletləri iTicket.az saytından və kassalardan əldə etmək mümkündür. Onlayn alınan biletlər "iTicket”in kassalarında real biletə dəyişdirilməlidir.
Oxu: "Qarabağ” - "Arsenal” matçının hakimləri bəlli oldu
Təhlükəsizlik məsələləri ilə əlaqədar olaraq stadiona kənar qida və suların keçirilməsi qadağandır.
Stadionun qapıları oyun günü, başlama vaxtından üç saat öncə - 17:55-də açılacaq.
Qeyd edək ki, oktyabrın 4-də Bakı Olimpiya Stadionunda keçiriləcək "Qarabağ” – "Arsenal” matçı saat 20:55-də start götürəcək.
Xəbərdən istifadə edərkən istinad etmək vacibdir.
