Avropa Liqasının qrup mərhələsinin II turunda "Qarabağ" Bakı Olimpiya Stadionunda İngiltərə nəhəngi "Arsenal"a 0-3 hesabı ilə uduzdu.
UEFA-nın rəsmi saytı oyunun onlayn yenilənməsində "CBC Sport"un şərhçisi Gündüz Abbaszadədən yazıb. Belə ki, sözügedən oyunu şərh edən Abbaszadənin fotosu paylaşılıb və bunlar qeyd edilib:
"Siz nə vaxtsa TV şərhçisinin meydanda danışdığını canlı görmüşdünüz? Mənim arxamda yerli şərhçi Gündüz Abbaszadə oturur, ancaq o, matçı ayaqüstə şərh edir. O qayğılı gözlərə baxın, bəlkə də "Arsenal"ın təhlükəli hücumları üçün belədir".
(mili.az)
Xəbərdən istifadə edərkən istinad etmək vacibdir.
