21 yaşadək futbolçulardan ibarət milli komandamız bu gün Avropa çempionatının seçmə mərhələsində son oyununu keçirib.
Qol.az-ın məlumatına görə, Rəşad Sadıqovun komandası 5-ci qrupda Norveçlə qarşılaşıb.
Yığmamız qrupda çıxmaq şansını itirsə də, ötən ay Bakıda 1:3 hesabı ilə uduzduğu rəqibindən revanş almağa çalışıb. Lakin matçın 9-cu dəqiqəsində hesabda irəli çıxan komandamız üstünlüyünü qoruya bilməyib. Meydan sahibləri 76-cı dəqiqədə hesabı bərabərləşdirib.
Qrupun digər oyunlarında İsrail Kosovonu 3:0, Almaniya isə İrlandiyanı 2:0 hesabı ilə məğlub edib.
Qeyd edək ki, komandamız qrupda keçirdiyi 10 oyunda qələbə qazana bilməyib. 7 oyunda məğlubiyyətlə üzləşən, 3 görüşdə heç-heçə edən gənclərimiz qrup mərhələsini sonuncu pillədə başa vurub.
Xəbərdən istifadə edərkən istinad etmək vacibdir.
