UEFA Çempionlar Liqasında həftənin ən yaxşı oyunçusu və qoluna namizədləri açıqlayıb.
Xeberle.com qurumun rəsmi saytına istinadən xəbər verir ki, III turun matçlarından sonra ən yaxşı oyunçu adına bosniya və herseqovinalı Edin Ceko ("Roma”, İtaliya), misirli Məhəmməd Salah ("Liverpul”, İngiltərə), ispaniyalı David Silva ("Mançester Siti”, İngiltərə) və mərakeşli Aşraf Hakimi ("Borussiya” Dortmund, Almaniya) iddia edir.
Həftənin ən yaxşı qoluna da 4 namizəd var. Bunlar argentinalı Anhel Di Mariya (PSJ, Fransa), braziliyalı Marselo ("Real Madrid”, İspaniya), portuqaliyalı Bernardu Silva ("Mançester Siti”, İngiltərə) və italiyalı Lorentso İnsinyenin qollarıdır.
Qeyd edək ki, qaliblər UEFA-nın rəsmi saytına azarkeşlər arasında aparılan səsvermə ilə müəyyənləşəcək.
Xəbərdən istifadə edərkən istinad etmək vacibdir.
