Xeberle.com xəbər verir ki, bütün yaş qrupları üzrə 18 ölkədən 500-dək idmançının qüvvəsini sınadığı yarışlarda aypara, batur, caymaz, və qurşaq sistemləri üzrə ən güclü atletlər müəyyənləşib.

Azərbaycan idmançıları çempionatda uğurla çıxış edərək ümumi komanda hesabında birinci yeri tutublar. Türkiyə komandası ikinci, Qazaxıstan və Gürcüstan yığmaları üçüncü yerə layiq görülüblər.

Yarışlarda yüksək nailiyyətlər qazanmış idmançılara kubok, medal və xatirə hədiyyələri təqdim edilib.

Dünya çempionatında Azərbaycan Respublikasının əməkdar məşqçisi və Sumqayıt şəhər Polis İdarəsinin əməkdaşı Tural Əliyev də öz qüvvəsini sınayıb. Sumqayıtlı idmançı bütün rəqiblərini üstələyərək fəxri kürsünün ilk pilləsinə qalxıb və alpaqut Turan döyüş sənəti üzrə birinci dünya çempionatının qalibi olub.

Qeyd edək ki, T. Əliyev pəhləvan güləşi üzrə 3 dəfə Avropa çempionu, bir o qədər də Dünya kubokunun sahibidir. Bununla yanaşı, ardıcıl olaraq 3 dəfə İslam Oyunlarının gümüş medalçısıdır. 2009, 2010 və 2011-ci illərdə dünyanın ən yaxşı pəhləvan güləşçisi seçilib.

Beynəlxalq dərəcəli hakim, idman ustasıdır.

Xeberle.com