"Sumqayıt” futbol komandası çempionatın üçüncü dövrəsinə hazırlığın ikinci mərhələsini yanvarın 13-dən 27-dək Türkiyədə davam etdirəcək.
Klubun mətbuat xidmətindən Xeberle.com-a bildiriblər ki, "gənclik şəhəri”nin təmsilçisi Topaz Premyer Liqasındakı fasilə zamanı yanvarın 13-də Türkiyəyə yollanacaq. İki həftəlik təlim-məşq toplanışı Antalyanın Bələk bölgəsində təşkil olunacaq. Komanda "IC Santai Belek” otelində məskunlaşacaq.
Yoxlama oyunlarındakı rəqiblər hələ müəyyənləşməyib.
Xəbərdən istifadə edərkən istinad etmək vacibdir.
