Bu gün futbol üzrə Azərbaycan Premyer Liqasında 19-cu tura start veriləcək.
Xeberle.com sport24.az-a istinadən xəbər verir ki, ilk oyun günündə iki görüş baş tutacaq.
Turun açılış matçında 3-cü pillədə qərarlaşan "Səbail" "Sumqayıt"ı qəbul edəcək. Aftandil Hacıyevin yetirmələri bu oyunda qələbə qazanmaqla üst pillələrdəki mövqeyini möhkəmləndirməyə çalışacaq. Ayxan Abbasovun çalışdırdığı qonaq komanda isə sonuncu pillədən qurtulmaq üçün mübarizə aparacaq.
Günün digər oyununda lider "Neftçi" debütant "Sabah"la üz-üzə gələcək. Ötən tur "Səbail"ə uduzmaqla vahid liderliyi əldən verən "ağ-qaralar" həmin uğursuzluğu debütantla görüşdə unutdurmağa çalışacaq. Elşad Əhmədovun çalışdırdığı qonaq komanda isə qələbə həsrətinə son qoymaq iddiasındadı.
Azərbaycan Premyer Liqası
19-cu tur
2 mart
"Səbail" - "Sumqayıt"
Hakimlər: Səbuhi Bayramov, Yaşar Abbasov, Müslüm Əliyev, Ziya Nəsirov.
Bakı. "Bayıl Arena", 16:00.
"Neftçi" - "Sabah"
Hakimlər: Vüqar Həsənli, Mübariz Haşımov, Cəmil Quliyev, Nail Nağıyev
Bakı. 8-ci km stadionu, 18:30.
Turun qalan oyunları sabah keçiriləcək: "Zirə" - "Qəbələ", "Keşlə" - "Qarabağ".
Xəbərdən istifadə edərkən istinad etmək vacibdir.