Bu gün AFFA-nın İntizam Komitəsinin iclası keçirilib.
Məlumata görə, yığıncaqda Azərbaycan Premyer Liqasının XI turunda baş verənlər müzakirə olunub və müvafiq qərarlar verilib.
"Keşlə” – "Neftçi” matçında qonaqların 4 futbolçusu sarı vərəqə ilə cəzalandığı üçün klub 800 manat cərimə olunub.
"Qəbələ” – "Səbail” oyununda qonaqların futbolçusu Əli Sadıxov sonuncu ümid foluna görə birbaşa qırmızı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimələnib.
"Sabah” – "Sumqayıt” matçında paytaxt təmsilçisinin 4 futbolçusu sarı vərəqə ilə cəzalandığı üçün klub 800 manat cərimə ödəyəcək. Qarşılaşmanın 59-cu dəqiqəsində "Sumqayıt”ın azarkeşləri tərəfindən protexniki vasitələrdən istifadə edildiyinə görə klub 800 manat ziyana düşüb.
"Qarabağ” – "Zirə” matçında qonaqların 5 futbolçusu sarı vərəqə ilə cəzalandığı üçün klub 800 manat ödəyəcək. Tibbi xidmət oyun öncəsi iclasda iştirak etmədiyinə görə meydan sahibləri 400 manat cərimə olunub.

Xəbərdən istifadə edərkən istinad etmək vacibdir.