Dünən Topaz Premyer Liqasının XII turunda keçirilən "İnter” - "Xəzər Lənkəran” matçından sonra xoşagəlməz hadisə baş verib.

"Bankirlər”in 3:1 hesablı qələbə qazandığı oyundan sonra paytaxt təmsilçisinin baş məşqçisi Kaxaber Sxadadze cənubluların məşqçiləri tərəfə qeyri-etik jest göstərib. 

Gürcüstanlı mütəxəssisin bu hərəkətindən sonra "Xəzər Lənkəran”ın nümayəndəsi Yunis Hüseynov onu sakitləşdirməyə çalışıb. Daha da hirslənən Sxadadze ona da yumruq atıb (apasport.az).

Dünən baş tutan "Simurq"-"Neftçi" matçının fasiləsində də qalmaqal yaşanıb.

Belə ki, komandalar fasiləyə yollanan zaman "Neftçi"nin futbolçuları Elvin Yunuszadə ilə Ernest Nfor arasında mübahisə düşüb. Tərəflər öncə bir-birlərini zəif oynamaqda ittiham edib, sonra isə bir-birlərinə hücum çəkərək əməlli-başlı əlbəyaxa davaya çıxıblar. (Virtualaz.org)