"Sumqayıt” futbol klubu Premyer Liqanın ikinci yarısı üçün hazırlıq tədbirlərinin ikinci mərhələsinə start verib.
Klubun mətbuat xidmətindən bildirilib ki, komandanın baş məşqçisi Ayxan Abbasovun planına əsasən,
hazırlığın ilk hissəsi yanvarın 10-dək ölkə daxilində keçirilib.
İkinci mərhələ isə yanvarın 12-dən 26-dək Türkiyədə davam edəcək. Təlim-məşq toplanışı Antalyanın Lara bölgəsində keçiriləcək.
Hazırlıq zamanı "Sumqayıt" qonşu ölkədə 3 yoxlama oyunu da keçirəcək.
Ayxan Abbasovun yetirmələri yanvarın 14-də Macarıstanın "Kaposvar",
17-də Rumıniyanın "Politexnika İaşi", 21-də isə Polşanın "Arka" klubları
ilə qarşılaşacaq.
Xəbərdən istifadə edərkən istinad etmək vacibdir.
