Bakı "İnter”inin (indiki "Keşlə”) sabiq baş məşqçisi Valentin
Xodukin vəfat edib.
Təcrübəli ukraynalı
mütəxəssis 81 yaşında ölüb.
Xodukin bu ilin avqustunda koronavirusa yoluxaraq xəstəxanaya
yerləşdirilmişdi. Həmin vaxt onun müaicəsinə kömək məqsədilə dostları,
yaxınları tərəfindən bank hesabının açılmasıyla bağlı müraciət də
olunmuşdu.
Xatırladaq ki, Xodukin 2005-ci ildə, hələ həmyerlisi Anatoli Konkov
"İnter”in baş məşqçisi olduğu dövrdə kluba işləməyə cəlb olunmuşdu. O,
2006-09-cu illərdə bu komandanın baş məşqçisi olaraq ona ilk çempionluq
qazandırıb. Xodukin Azərbaycanda titul qazanan ilk əcnəbi baş məşqçi
kimi tarixə düşüb. "İnter" tarixində məhz onunla avrokuboklarda debüt
edib. (qafqazinfo.az)
Xəbərdən istifadə edərkən istinad etmək vacibdir.
