Türkiyədə yeni stadionun açılışına dünyanın futbol ulduzları axın edəcək.
Konya Böyükşəhər Bələdiyyəsi tərəfindən inşa etdirilən Torku Arenanın açılışına UEFA prezidenti Mişel Platini, əfsanəvi futbolçular Ronaldo və Zidan kimi ulduzlar qatılacaq.
42,484 nəfərlik tutuma sahib olan stadionun açılışı yalnız Türkiyədə deyil, dünyada da böyük əks-səda doğuracaq. Konya Böyükşəhər Bələdiyyə başçısı Tahir Akyürekin sözlərinə görə, açılış matçında əfsanəvi futbolçular çıxış edəcək.
Bu maraqlı oyunu isə dünyanın məşhur idman kanalı "Eurosport" canlı olaraq yayımlacaq. Qarşılaşmanın başlama vuruşunu Türkiyə prezidenti Rəcəb Tayyib Ərdoğan və baş nazir Əhməd Davudoğlunun etməsi planlaşdırılır. (anspress.com)
Xəbərdən istifadə edərkən istinad etmək vacibdir.
