"Fənərbaxça” ilə anlaşdığı deyilən Məsut Özil azarkeşlərin suallarını cavablayıb.
Xeberle.com xəbər verir ki, yarımmüdafiəçi "Arsenal”la müqaviləsi başa çatdıqdan sonra iki ölkədə oynamaq istədiyini bildirib:
"İngiltərədən ayrıldıqdan sonra iki ölkədə çıxış etmək istəyirəm. Bunlarda biri Türkiyə, digəri isə ABŞ-dır. Türkiyəyə gələrsəm, yalnız "Fənərbaxça”da çıxış edərəm. Almaniyada böyüyən türklər hələ uşaq yaşlarından öz ölkəsindəki klublardan birini seçirlər. Mən "Fənərbaxça” ilə böyümüşəm, həmişə sevmişəm. Bu kluba Türkiyənin "Real”ı deyə bilərəm”.
Özil "Real”da oynayarkən komanda yoldaşı olan Kriştianu Ronaldo haqqında da danışıb: "Messi İspaniyada daima ən yaxşılardan olduğunu sübut edir, Ronaldo isə bunu getdiyi hər ölkədə sübuta yetirir”.
Xəbərdən istifadə edərkən istinad etmək vacibdir.
