Sumqayıt Gənclər Evində şəhərin idman ictimaiyyətinin iştirakı ilə Azərbaycan idmanının inkişafında böyük əməyi olan, Əməkdar Bədən Tərbiyəsi və İdman Xadimi, Tərəqqi medalçısı, Azərbaycanın Əməkdar Məşqçisi, Beynəlxalq dərəcəli Azərbaycan Güləş Federasiyasının Hakimlər Kollegiyasının sədri, hakim, dünya şöhrətli idmançılar yetişdirmiş Qərib Əliyevin 65 illik yubileyi tədbiri keçirilib. Xeberle.com xəbər verir ki, tədbirdə iştirak edən Sumqayıt şəhər Gənclər və İdman Baş İdarəsinin rəisi Elgün Hümbətov Qərib Əliyevin ölkə idmanının inkişafında göstərdiyi xidmətlərdən danışıb və Sumqayıt güləş məktəbinə verdiyi töhfələrə görə yubilyara təşəkkürünü bildirib.
Sonda Qərib Əliyev Sumqayıt şəhər İcra Hakimiyyətinin başçısı Zakir Fərəcovun imzaladığı müvafiq sərəncamına əsasən fəxri fərman və xatirə hədiyyəsi ilə təltif olunub.
Xəbərdən istifadə edərkən istinad etmək vacibdir.
