Sumqayıt şəhər Gənclər və İdman Baş İdarəsinin və Heydər Əliyev Mərkəzinin birgə təşkilatçılığı ilə Heydər Parkında 2022-ci il - "Şuşa ili”nə həsr edilmiş "Bayraqdar” İntellektual Oyunu keçirilmişdir.
Məqsəd gənclərin intellektual səviyyəsini, dünya görüşünü, zehni inkişafını stimullaşdırmaq, komanda ilə işləmək bacarığını artırmaq, eləcədə asudə vaxtlarının səmərəli təşkil edilməsidir.
Yarışmada şəhərin müxtəlif gənclər təşkilatlarını təmsil edən iştirakçılar olmaqla, ümumilikdə 50-ə yaxın gənc iştirak etmişdir.
Gərgin və maraqlı keçən oyunun sonunda I yeri Sumqayıt Regional Asan Xidmət Mərkəzinin "Şuşa”, II yeri Gənclərin İnkişaf və Karyera Mərkəzinin "Supernova”, III yeri isə Sumqayıt Dövlət Texniki Kollecinin "Zəfər" komandaları tutmuşdur.
Qalib komandalar Baş İdarənin fəxri fərman, medal və hədiyyələri ilə təltif edilmişdir.
Xəbərdən istifadə edərkən istinad etmək vacibdir.
