Sumqayıt şəhər Gənclər və İdman Baş İdarəsinin təşkilatçılığı ilə "05 Mart - Bədən tərbiyəsi və idman günü” münasibəti ilə şəhərin idman təşkilatları rəhbərləri, bədən tərbiyəsi və idman veteranları, Dünya, Avropa yarışları, Olimpiya və Paralimpiya Oyunlarının mükafatçıları, idman növləri üzrə baş məşqçilər, Əməkdar məşqçilərin iştirakı ilə silsilə tədbirlər keçirilib. İdarədən Xeberle.com-a verilən məlumata görə, tədbir iştirakçıları öncə Ümummilli Lider Heydər Əliyevin abidəsi önünə gül dəstələri qoyublar.
Baş İdarə tərəfindən "05 Mart - Bədən tərbiyəsi və idman günü” nə həsr olunmuş idmanın üzgüçülük, mini-futbol, dama, boks, 3x3 basketbol, stolüstü tennis, otüstü xokkey, yunan-roma və sərbəst güləş növləri üzrə muxtəlif yaş qruplarında şəhəri birincilikləri keçirilib. Həmçinin Bayram münasibətilə şəhərin idman ictimaiyyəti ilə də görüş keçirilib. Tədbirdə çıxış edən Baş İdarənin rəisi Elşən Baxşəliyev bayram münasibəti ilə iştirakçıları təbrik edib, dövlətin digər sahələri kimi bədən tərbiyəsi və idman sahəsinə göstərilən diqqət və qayğıdan, Ulu Öndər H.Əliyevin idman sahəsində gördüyü əvəzsiz işlərdən və onun layiqli davamçısı, ölkə Prezidenti İlham Əliyev tərəfindən bu siyasətin uğurla davam etdirilməsindən, Gənclər və İdman Nazirliyi və şəhər rəhbərliyinin köməyi ilə yaradılan şəraitdən, Baş İdarənin 20 illik fəaliyyəti dövründə Sumqayıt idmançılarının əldə etdiyi nəailiyyətlərdən danışıb.
Tədbirdə Azərbaycan Respublikası Prezidentinin fərdi təqaüdçüsü, Əməkdar bədən tərbiyəsi və idman xadimi Əhməddin Rəcəbli, karate üzrə Əməkdar Məşqçi Rövşən Veysəlov və qol güləşi idman növü üzrə Avropa mükafatçısı Zöhrab Mənsimov bədən tərbiyəsi və idman sahəsində görülən məqsədyönlü işlər və bu işlərin şəhərdə uğurla davam etdirilməsi ilə bağlı çıxış ediblər.Sonda 2014-cü ildə Dünya və Avropa yarışlarında yüksək idman nailiyyətləri əldə etmiş idmançılar və onların məşqçiləri hədiyələrlə mükafatlandırılıb.
Xeberle.com