"Sumqayıt Kimya Sənaye Parkı” MMC ilə Türkiyənin "GAMA Construction” şirkəti arasında birgə layihələrin icrası imkanları müzakirə edilib.
Bu məqsədlə "Sumqayıt Kimya Sənaye Parkı” MMC-nin ofisində görüş keçirilib. Görüşdə Türkiyə şirkətinin təmsilçilərinə Sənaye Parkında rezidentlər üçün müəyyənləşdirilmiş güzəştlər barədə ətraflı məlumat verilib.
Qeyd edək ki, 1959-cu ildə yaradılmış "GAMA Construction” şirkəti neft emalı, metallurgiya, sement zavodlarının, elektrik və hidro-stansiyaların, metropoliten və sənaye obyektlərinin inşaası üzrə ixtisaslaşıb. Şirkət dünyanın 25 ölkəsində 400-dən artıq layihə həyata keçirib.  (azertag.az)