Deputatlardan kimin krediti olduğu barədə sorğu keçirilib.

Çingiz Qənizadə: "Özümün, oğlumun, həyat yoldaşımın əməkhaqqı ilə ailəmiz birtəhər, gücbəla ilə dolanır. Allaha şükür olsun ki, maşınım, evim var və mən nəyə görə kredit götüməliyəm ki? Biznesi olanlar külli miqdarda kredit alırlar”.

Kamilə Əliyeva: "Ümumiyyətlə, mən kreditlə və yaxud nisyə nəsə almağı xoşlamıram. Pulum, imkanım varsa, nağd alıram. Əks təqdirdə, istəyimdən imtina edirəm. Şükürlər olsun ki, hazırda borcum yoxdur və hər hansı bir problemlə üzləşmirəm”.

Sabir Rüstəmxanlı: "Hazırda kredit borcum yoxdur. Özümə ofis tikdirəndə kredit götürdüm. Hər halda, ofisimin tikintisini kredit götürməmiş apara bilməzdim və bu, mənim üçün asan deyildi”.

Ülvi Quliyev: "Bizneslə məşğul olduğum dövrlərdə də banklarla işləməyi heç zaman xoşlamamışam. Ona görə də kredit götürməyi belə planlaşdırmamışam. Bundan sonra da kredit götürməyəcəm”.

Zahid Oruc: "İşim, fəaliyyətim, həyatım elə gətirdi ki, siyasi proseslərin içində oldum və bu üzdən bunlar baş vermədi. Amma hər bir kredit resursu ilə qanun çərçivəsində işləyən insanlara da hörmətlə yanaşmalıyıq”.

Ceyhun Osmanlı: "Xırda məbləğdə kredit kartlarından istifadə edirəm. Hansı ki, xarici səfərlər zamanı bundan daha çox istifadə etmək mənə lazım olur. Səfərdən qayıtdıqdan sonra yerinə qoyuram. Həmçinin, gündəlik alış-veriş üçün də kartlardan istifadə edirik”.  (A24.az)