Vyetnam Sosialist Respublikasının Prezidenti Çıonq Tan Şanqın rəhbərlik etdiyi nümayəndə heyətinin tərkibində Azərbaycanda səfərdə olmuş Vyetnamın kimya və əczaçılıq sahələri üzrə fəaliyyət göstərən "Vietnam Rubber Group” şirkətinin direktoru Nguyen Tien Duc və "Quang Minh Pharmaceutical Company” şirkətinin baş direktoru Nguyen Thanh Thu Ha ilə görüşlər keçirilib.

Görüşlər zamanı Sumqayıt Kimya Sənaye Parkı ilə əməkdaşlıq imkanlarına və gələcəkdə perspektiv layihələrin birgə həyata keçirilməsinə dair müzakirələr aparılıb, parkda investorlar üçün yaradılmış əlverişli imkanlar barədə məlumat verilib.