İyulun 18-də Avropa İttifaqı Rusiyaya qarşı on səkkizinci sanksiyalar paketini qəbul edib. Bu son paketdə Rusiya neftinin daşınmasında iştirak edən 105 tankerin adı var idi. Aİ Şurasının 2025/1495 saylı Qərarına əsasən, bu gəmilərin Aİ-yə üzv ölkələrin limanlarına daxil olması, həmçinin dəniz nəqliyyatı ilə bağlı geniş spektrli xidmətlərdən istifadə etmək qadağandır.
Xeberle.com haqqin.az-a istinadən xəbər verir ki, sanksiyaya məruz qalan tankerlər arasında "Nizami Gəncəvi", "Qarabağ" və "Şuşa" da var. Gəmilər Rusiya mənşəli xam neft və ya neft məhsullarını daşıdıqları və ya qeyri-standart və ya riskli daşıma üsulları ilə Rusiyadan ixrac etdikləri üçün Aİ-nin "qara siyahısı”na daxil ediliblər.
Xəbərdən istifadə edərkən istinad etmək vacibdir.
