Cari mövsümdə, 100 ildə respublika tarixində ilk dəfə olaraq rekord məhsuldarlıq əldə ediləcək.
Kənd Təsərrüfatı Nazirliyinin Bitkiçilik şöbəsinin müdiri İmran Cümşüdov ATV.az-a açıqlamasında bildirib ki, 2015- ci il taxıl bitkiləri üçün respublikamızda çox əlverişli il olub.
"Respublika üzrə orta məhsuldarlıq 30.3 sent/ha təşkil edib. Bu il taxıl üzrə məhsuldarlıq ötən ilə nəzərən 34, buğda üzrə 33.8 faiz yüksəkdir”.-deyə bildirən İ.Cümşüdov, bu il taxılçılıqla bağlı quraqlığın müşahidə olunmadığını qeyd edib.
Biçin mövsümü yekunlaşır
İ. Cümşüdov bildirir ki, məhsul yığımı demək olar ki, artıq yekunlaşmaq üzrədir. 90 faiz biçin həyata keçirilib. Yerdə qalan 10 faiz də dağlıq zonaların payına düşür ki, o da son iki həftəyə yekunlaşdırılacaq.
Dövlət Statistika Komitəsinin 2015-ci il 6 iyul tarixli statistik məlumatına əsasən, 915 min 212 hektardan dənli bitkilərin 780 min 19-u, yəni 88.8 faizi biçilib. Hektardan 30.3 sentiner olmaqla 2.4 milyon ton taxıl əldə edilib. O cümlədən, biçiləcək 539 min 915 hektar buğda sahəsinin 425 min 370 hektarı, yəni 78.8 də biçilib. Hektarda 31.7 sentner olmaqla 1.4 milyon ton ərzaq buğdası əldə edilib.
Quraqlığa qarşı ehtiyat tədbirlər görülür
Hazırda taxıl yığımı yekunlaşır. Payızda da növbəti il- 2016-cı il üçün səpin işləri aparılacaq.
"Taxıl məhsullarında başqa, bir sıra kənd təsərrüfatı məhsulları, meyvə-tərəvəz bitkiləri hazırda becərilir. Bu bitkilərin əkini normal vəziyyətdədir və becərilmə işləri də davam edir”. – deyə bildirən İmran Cümşüdov, fermerlərə keyfiyyətli məhsul əldə etmək və ola biləcək quraqlıqdan əziyyət çəkməmək üçün məsləhətlərini bildirib:
"Dünyada baş verən iqlim dəyişikliyi quraqlıqla müşahidə olunur. Qonşu ölkələrdə də bu müşahidə olunan haldır. Bunun üçün müəyyən qabaqlayıcı tədbirlərdən istifadə etmək lazımdır. Taxılla bağlı qabaqlayıcı tədbir kimi, Elmi Tədqiqat İnstitutlarında quraqlığa davamlı sortlar yaradılır. Əkinçilik İnstitutu tərəfindən quraqlığa, xəstəliyə, toza və digər stress amillərə davamlı sortlar yaradılır. Eyni zamanda, bizdə tərəvəzçilik, bağçılıq institutu da var. Hərəsi öz sahəsi ilə bağlı, bu iqlim dəyişikliyini nəzərə alaraq sortların, yəni toxumların istehsalını həyata keçirirlər. Fermerlərə tövsiyyə olunur ki, hər bir rayona uyğun, rayonlaşmış, o bölgədə davamlılıq göstərən sortlardan istifadə etsinlər ki, quraqlıq da müşahidə olunanarsa, əziyyət çəkməsin”.
Məhsulunu satmaq istəyənlərin diqqətinə!
İmran Cümşüdov "Hər bir fermer müraciət edə və qaynar xəttə daxil olub bizdən məlumat ala bilər. Həmçinin Kənd Təsərrüfatı Nazirliyinin saytındaklı elan bölməsindən bütün məlumatları əldə edə bilərlər.”-deyə bildirib.
Kənd Təsərrüfat Nazirliyinin qaynar xətti, həmçinin nazirliyin saytında elan bölməsi var. O bölmədə yerləşdirilib ki, taxılı Fövqəladə Halların Taxıl Fondu tədarük edir. Taxılın standartlara uyğun gələn Nano xüsusiyyətləri:təmizliyin faizi, dənin natura kütləsi, keyfiyyəti olmalıdır. O keyfiyyət göstəricilərini nəzərə almaqla, dənin 1 tonu 250 manata qəbul edir. (atv.az)
Xəbərdən istifadə edərkən istinad etmək vacibdir.
