"Bu ölkə zəngin neft və qaz ehtiyatlarına malikdir”.
İrana tətbiq edilən sanksiyaların və nüvə proqramı ilə əlaqədar məhdudlaşdırmanın nəticələri bölgə eləcə də dünya üçün son dərəcə müsbət olacaq.
Bu sözləri Türkiyənin energetika və təbii resurslar naziri Taner Yıldız İranla əlaqəli son nəticəyə münasibət bildirərkən qeyd edib.
Yıldız həmçinin bildirib ki, enerji baxımından İrana yanaşdıqda bu ölkə zəngin neft və qaz ehtiyatlarına malikdir:
"İranın ehtiyatlarını bölgəyə daha sonra dünyaya təqdim etməsi neftin qiymətinə müsbət təsir edəcək”.
"Ölkələr arasında baş tutan razılığı müsbət qiymətləndirirəm”-deyə, nazir əlavə edib.
Qeyd edək ki, çərşənbə axşamı İranla "Altılıq” ölkələri arasında əldə edilən razılığa görə, İran və "Altılıq” arasında razılaşma BMT-nin Təhlükəsizlik Şurasında qətnamənin qəbul olunmasından 90 gün sonra qüvvəyə minəcək.
Bundan başqa, İran 15 il ərzində uranı 3,67%-dən çox zənginləşdirməməyə razılıq verib.
Xatırladaq ki, İranla tərəflər arasında müzakirələr iyunun 30-dan gedirdi. (oxu.az)
Xəbərdən istifadə edərkən istinad etmək vacibdir.
