Milli Məclisin İqtisadi siyasət, sənaye və sahibklarlıq komitəsinin növbəti iclası keçirilir.

"Qafqazinfo” xəbər verir ki, sözügedən komitənin sədri, millət vəkili Ziyad Səmədzadə qeyd edib ki, hər il may ayında dövlət büdcəsinin icrası haqqında qanun layihəsi Milli Məclisdə müzakirəyə çıxarılır: "İndi də 2015- ci il üzrə büdcənin icrası haqqında layihə bizə təqdim olunub. 2015- ci il Azərbaycan üçün müəyyən çətinlik yaratsa da, heç bir sosial proqramın icrası dayandırılmayıb. Xarici öhdəliklər yerinə yetirilib. Hökumətin apardığı siyasət ölkə prezidenti tərəfindən yüksək qiymətləndirilib”.

İclasda çıxış edən maliyyə naziri Samir Şərifov qeyd edib ki, 2015- ci ildə dünya üzrə iqtisadi artım göstriciləri pisləşməyə doğru inkişaf edib: "Beynəlxalq iqtisadi qurumlar üzrə verilən proqnozlarda qlobal iqtisadiyyatın artırılması nəzərdə tutulmuşdu. Ancaq proqnozun əksinə olaraq, qlobal iqtisadiyyatın 0,3 faiz artım sürəti azalıb. Azərbaycan iqtisadiyyatına da bunun təsirləri olub. Bank sekrtorunun maliyyə dayanıqlığı zəifləyib. Bütövlükdə isə, əsas öhdəliklərin maliyyə təminatına nail olunub.

İcmal büdcənin gəlirləri 18, 4 milyard manat, xərcləri isə 21 milyard manat icra olunub. Qeyri-neft daxilolmalar üzrə 2015-ci il üçün 7 milyard, yaxud 107,8 faiz icra edilib. Ümumiyyətlə isə, qeyri- neft sektoru üzrə daxilolmaların xüsusi çəkisi büdcədə 41, 6 faiz təşkil edib”.

S. Şərifov deyib ki, hökumət 2015 – ci ilin ortalarından qənaət rejiminə keçib: "Ancaq sosial öhdəliklərin tam icrası təmin olunub. Bəzi lüzumsuz xərclər, investisiya layihələri təxirə salınıb. Bunun hesabına xərclərin qənaətinə nail olunub”.

Hesablama Palatasının sədri Vüqar Gülməmmmədov qeyd edib ki, 2015- cil enerji daşıyıcılarının sayının azalması, tədiyyə balansının, orta illik infylasiya dərəcəsinin aşağı düşməsi, neft daxiolmalarının azalması ilə nəticələnib: "2015- ci il neft azalmaları 15, 4 faiz təşkil edib. 4 tədiyyə növü üzrə daxilolmalar kəsirlə icra olunub. Gəlirlər icra olunduğu təqdirdə bəzi daxilolmalarda Palata gəlirlərin müvafiq təsnifat üzrə uçotunun təşkilini məqsədəuyğun müvafiq edir.

Sumqayıt, Xaçmaz, Şəki şəhəri üzrə büdcəyə daxilolmaların həcmi azalıb. Funksional təsnifat üzrə proqnolaşdırılmış vəsait azalaraq bunu büdcə xərclərinin şəffaflaşdırılması istiqamətində atılan addım kimi dəyərləndirilmək lazımdır. Aparılmış təhlillərin nəticəsi olaraq əhatə olunan məxfi xərclər istisna olmaqla kassa xərcləri üzrə 300 milyon manat debitor xərclərin yarandığı müşahidə olunub. Bundan əlavə, satınalmalar üzrə 6930 müsabiqə təşkil edilib. Bu 16, 5 faiz, ötən ilə nisbətən azdır. Burada müəyyən nöqsanlar aşkar edilib”.