H.Əliyev adına NEZ və "Azərikimya”da modernləşdirmə prosesləri ilə paralel olaraq müasir standartlara cavab verən Neft-Qaz Emalı və Neft-Kimya Kompleksinin (OGPC) yaradılması üzrə işlər də davam etdirilir.
Bu barədə SOCAR-ın prezidenti Rövnəq Abdullayevin "Azərbaycan" qəzetində dərc olunmuş məqaləsində deyilir.
Rövnəq Abdullayevin sözlərinə görə, təməli Prezident İlham Əliyev tərəfindən 2012-ci ildə qoyulmuş Sumqayıt Karbamid Zavodunda inşaat işlərinin 2017-ci ildə tamamlanması və müəssisənin 2018-ci ilin əvvəllərində istismara verilməsi nəzərdə tutulur. Müasir beynəlxalq standartlar əsasında inşa olunan bu müəssisədə gündəlik 1200 ton ammonyak, 2000 ton dənəvər karbamid istehsal ediləcək.
Xammal kimi təbii qazdan istifadə ediləcək zavodda işlərin təxminən 78 faizi icra edilib. Ölkəmizin azot gübrəsinə tələbatını ödəmək gücünə malik bu zavod kənd təsərrüfatının inkişafına və respublikamızda ərzaq proqramının həyata keçirilməsinə neftçilərin töhfəsi olacaqdır.

Xəbərdən istifadə edərkən istinad etmək vacibdir.