Vergilər Nazirliyi regionlarda çalışan sahibkarlarla görüşlərə başlayıb. Sumqayıtda keçirilən görüşdə Vergi Məcəlləsində edilən əlavə və dəyişikliklərin ətraflı izahı verilib, həmçinin vergi ödəyiciləri bu dəyişikliklərin mahiyyəti və qanunun tətbiqi ilə bağlı məsələlər barədə məlumatlandırıblar.
2017-ci ildə vergi sisteminə edilən dəyişikliklər sahibkarlığın inkişafının stimullaşdırılmasına və daha əlverişli biznes mühitinin formalaşdırılmasına xidmət edir. Bu fikirlər Vergilər Nazirliyinin Sumqayıtda sahibkarlarla keçirilən görüşündə səsləndirilib. Toplantıda Sumqayıt şəhərinin, Abşeron, Xızı və Siyəzən rayonlarının sahibkarları iştirak edib. Bu il Vergi Məcəlləsinə həm həcm, həm də mahiyyət baxımından olduqca ciddi dəyişikliklər edilib. Vergilər Nazirliyi regionlarda fəaliyyət göstərən sahibkarlarla görüşünü davam etdirəcək.

Xəbərdən istifadə edərkən istinad etmək vacibdir.