Bildiyimiz kimi bu yaxınlarda Sumqayıtda "Supreme” kitab rəfi mebel şirkəti fəaliyyətə başlayıb. Şirkət yeni məhsulları ilə insanları təəcübləndirməkdə davam edir. Müştərilərin marağını nəzərə alaraq kreativ ideyalar üzərində mebellər istehsal edən, mebel bazarına yeni nəfəs gətirən bu şirkətin marketinq meneceri Nəcməddin Axundovla söhbətləşdik. Müsahibəni oxucularımıza təqdim edirik.

 

 Mebellərinizin keyfiyyətinə nə dərəcədə arxayın olmaq olar, hansı materiallardan istifadə edirsiniz?

Supreme Mebel şirkəti olaraq hər zaman çalışırıq ki, müştərilərimizi keyfiyyətli mebellər ilə təmin edək və daha yaxşı xidmət göstərək. Əgər istənilən kəs bizə güvənib müraciət edirsə, bu, artıq bizim üçün böyük məsuliyyət deməkdir. O ki qaldı materiallara, materiallarımız həm daxildən gəlir, həm də xarici idxaldır. Azərbaycan, Türkiyə, Rusiya, Rumıniya kimi ölkələrin materiallarından istifadə edirik. Materialların çeşidi və təyinatı da çoxdur. Laminat, MDF, panel, membran adlı materiallardan istifadə edirik. Bizə hər hansısa mebel üçün müraciət edənlərə istədiyi məhsula görə istifadə edəcəyimiz materialı da nəzərlərinə çatdırırıq. Və ya istədikləri mebellər üçün bir neçə material təklif edirik, onlar isə öz seçimlərini edirlər. Maksimum şəkildə çalışırıq ki, müştəriyə görə elastik olaq.
 Fərqli, kreativ dizaynlı mebelləriniz olur. Bu öz təxəyyülünüzün məhsuludur, yoxsa başqa mənbələrdən bəhrələnirsiz?
Əsasən digər mənbələrdən istifadə edirik. Araşdırma bizim işimizin bir hissəsidir. Araşdırıb, tapıb müştərilərimizə onlarla, yüzlərlə fərqli, kreativ, sadə, klassik, modern mebellər təklif edirik. Onu da qeyd edək ki, məhsullarımızı görənlər çox təəccüblənirlər və onlardan hətta bizə bu barədə mesaj yazanlar da olur. Seçdiyimiz modellər fərqli olduğu üçün hər kəsi cəlb edə bilir. İstər Facebook, istərsə də İnstagram səhifələrimizə ilk dəfə daxil olanlar mütləq ki, bizi bəyənir və izləyirlər.
 Müştərilər hansı modellərə daha çox üstünlük verirlər?
Müştərilərimiz daha çox kreativ modellərə üstünlük verirlər. Çünki kreativ modellər həm gözoxşayan olur, həm məkanın interyerinə fərqlilik qatır və həm də istifadəsi çox maraqlı olur. Məhsullarımızın arasında da çoxluq təşkil edən elə kreativ, maraqlı, fərqli olan modellərdir.
 Niyə məhz kitab rəfləri əsasən?
Supreme Mebel olaraq fəaliyyətimizə kitab rəflərindən başladıq, çünki mebel işinin bu tərəfi daha maraqlı və daha cəlbedicidir. Kitab rəfindən yola çıxdıq və sonra məhsullarımızın sırasına kitab rəfli çalışma masalarını, kreativ divar rəflərini və kitab rəfli TV-stendləri də əlavə etdik. Sadaladığımız məhsullar üzrə bütün modellərimiz həm funksionallığa və həm də gözəl və fərqli dizayna malikdirlər. Onları sadəcə gözlə görməyiniz lazımdır. Deməyə çox sözümüz var, lakin yaxşı olar ki, hər kəs bizim Facebook və İnstagram səhifələrimizə daxil olub bizi izləsinlər. Xəbərlə.com saytının izləyicilərinin, oxucularının və ümumilikdə hər kəsin Supreme Mebel komandası olaraq hər zaman xidmətlərindəyik

https://www.facebook.com/supremekitabrefi

http://www.imgsta.com/user/supreme_kitab_refi

 

Əlaqə nömrəsi: (+99455) 525 19 50

 

 

 

 

 

 

Xəbərdən istifadə edərkən istinad etmək vacibdir.