2017-ci ilin ilin iyun- iyul aylarında kərə yağının qiymət artımı pik həddə çatıb.

Xeberle.com xəbər verir ki, bu sözləri Azad İstehlakçılar İctimai Birliyinin (AİİB) sədri Eyyub Hüseynov sosial şəbəkədəki paylaşımında qeyd edib. Onun sözlərinə görə, AİB ölkədə kərə yağının qiymətlərinin artmasına dair çoxsaylı istehlakçı sorğusu alıb və beynəlxalq əlaqələrindən istifadə edərək vəziyyəti araşdırıb: " Belə ki, kərə yağının qiymət artımının 1 nömrəli amili, dünya bazarında onun qiymətinin qalxması ilə əlaqədardır. 2016 -cı ilin iyun-iyul ayları ilə müqayisədə 2017-ci ilin müvafiq dövründə kərənin dünya bazarında qiymətləri 100%, yəni 2 qat artıb. Dünya bazarı dedikdə , Okeaniya NZ- Australia (əsas istehlakçı NZ -dir), Avropa və Amerika qiymətləri nəzərdə tutulur. Qiymətə təsir edən bu 3 bazardan isə Okeaniyanın təsiri daha çoxdur. Bələ ki, Amerika əsasən daxili bazarı təmin edir, Avropa istehsalçıları Avropa və Avropaya yaxın ölkələrə, Okeaniya isə demək olar ki, əksər ölkələrə ixrac edir (Avropa və Amerikaya da). Bəs qiymət artımı nə ilə bağlıdır?İstehsalmı azaldı, əhalimi birdən-birə artdı və ya nə? Ümumilikdə süd istehsalında azalma var. Bu, dünya bazarında süd məhsullarının 2015 ci ilin son 2 rübü- 2016 ci ilin ilk 2 rübündə aşağı olması ilə bağlıdır. Süd məhsulullarının qiyməti aşağı olanda süd istehsal edən fermerlər inəklərini satırlar, sahələrini digər məhsul istehsalına uyğunlaşdırırlar. Bu proses çox xoşagəlməz haldır. Belə ki, yenidən süd istehsalına qayıtmaq bir neçə il vaxt aparır. Lakin südün tərkibində olan yağa ( ingilisce Milk Fat) tələbat artıb. Bu da yağ istehsalında başlıca məhsuldur. Deməli kərə yağına tələbat artıb. Tələbatın artımı isə çox insanın marqarin deyilən məhsuldan imtina etməsi və təbii kərə yağı istifadəsinin artırmasıdır. Bunun da 2 səbəbi var. 1ci səbəb, alimlərin son illər apardıqları tədqiqatlar sübut edir ki, kərə yağı orqanizmə marqarindən daha xeyirlidir və daha az zərərlidir. 2 ci səbəb isə insanlar təbii məhsullara daha çox üstünlük verməyə başlayıblar. Azad bazarda da tələb artanda istehsal tələbatı tam ödəyə bilmirsə, qiymətlər artır. Bu artım 2016 ci ilin avqustundan bəri başlayıb və bu ilin iyun- iyul aylarında pik həddə çatıb. Ümumiyyətlə, qapalı dairə mövcuddur. Südün qiyməti aşağı düşərsə,fermer çökür,inəyi ətə çevirir,bundan sonra südün və yağın qiyməti qalxır və ya əksinə. Quru süd qiymətləri ilə bağlı vəziyyət isə belədir: Normalda yağlı və yağsız quru süd arasında qiymət fərqi hər tona görə 100-200 $ olur. Hal hazırda isə yağlı quru süd yağsız quru süddən 1200 $ bahadır. Bu nə üçün belədir?

Kərə yağına tələbat yüksək olduğundan istehsalçılar daha çox yağ istehsal edirlər və yağlı süd yağsız südə baxanda daha az miqdarda süd tozuna çevrilir. Bundan başqa, illərlə 1 ton kərə yağının qiyməti yağsız süd tozunun qiymətindən bir az baha olub, 200-1200 $ arası. İndi isə kərə yağının 1 tonu quru süd tozunun 1 tonundan 4400$ bahadır”.