Azərbaycan Respublikası Dövlət Neft Şirkəti (ARDNŞ) təmir-tikinti işləri ilə əlaqədar olaraq Rusiyaya qaz ixracını müvəqqəti dayandırıb. Bunu çərşənbə günü Trend-ə ARDNŞ-nin Qaz İxrac İdarəsindən deyiblər.

Azərbaycan qazının Rusiyaya tədarükü 2009-cu il oktyabrın 14-də Bakıda ARDNŞ və "Qazprom" arasında Azərbaycan qazının alış-satışı haqqında imzalanmış müqavilə (prolonqasiya imkanı ilə) əsasında həyata keçirilir.

İdarədən qeyd ediblər ki, Rusiyaya qaz ixracı Bakı-Quba-Rusiya sərhədi avtomobil yolunun qalan sahəsinin tikintisi, həmçinin qaz nəqli infrastrukturunun özündə tikinti işləri ilə əlaqədar dayandırılıb.

Mənbə qazın verilişinin bərpa olunması vaxtını açıqlamayıb.