2020-2022-ci illərdə Azərbaycanda ümumilikdə 116 mln. 993,7 min ton neft hasil olunacaq.
Bu sözləri Neft Araşdırmalar Mərkəzinin rəhbəri İlham Şaban deyib. O bildirib ki, bu məlumatlar "İnterfaks-Azərbaycan” agentliyinin hökumətin proqnozlarına istinadən verdiyi məlumatda yer alıb:
"Məlumata görə, 2020-ci ildə ölkədə 38 milyon 936,5 min ton, 2021-ci ildə 39 milyon 96 min ton, 2022-ci ildə 38 milyon 961,2 min ton neft hasil olunacaq. 2020-2022-ci illərdə Azərbaycanda ümumilikdə 128 milyard 260,4 milyon kubmetr qaz hasil olunacaq. 2020-ci ildə ölkədə qaz hasilatının həcmi 39 milyard 870 milyon kubmetr, 2021-ci ildə 43 milyard 436,7 milyon kubmetr, 2022-ci ildə 44 milyard 953,7 milyon kubmetr təşkil edəcək. 2020-ci ildə 29 milyard 827 milyon kubmetr, 2021-ci ildə 36 milyard 185,2 milyon kubmetr, 2022-ci ildə 38 milyard 533,2 milyon kubmetr həcmində əmtəə qazının hasil ediləcəyi proqnozlaşdırılır”.
Ekspert qeyd edib ki, 2018-ci ilin yekunları üzrə Azərbaycan hökuməti neft hasilatını 38 milyon 848,1 min ton, 2019-cu ildə 38 milyon 496,4 min ton həcmində gözləyir:
"Cari ildə qaz hasilatı 30 milyard 205 milyon kubmetr, 2019-cu ildə 36 milyard 909,2 milyon kubmetr həcmində proqnozlaşdırılır”.
Qeyd edək ki, 2017-ci ildə respublikada 38 milyon 756 min ton neft, 28 milyard 362,6 milyon kubmetr qaz hasil olunub.
Xəbərdən istifadə edərkən istinad etmək vacibdir.
