Azərbaycanda yumurtanın qiyməti ucuzlaşıb.
Xeberle.com-un məlumatına görə, hazırda marketlərdə yumurtanın qiyməti 7-9, 10-12 qəpik təşkil edir.
Quşçular Cəmiyyətinin sədri Aydın Vəliyev açıqlamasında bildirib ki, bazarda yumurtanın qiyməti 10 gündür ucuzlaşıb:
"Bunun səbəbi odur ki, yumurtanın istehsalı artıb, tələbat isə azalıb. Bayramqabağı hamı yumurtanı iki-üç qat aldı. Bayramdan sonra isə tələbat azalıb. Tez xarab olan məhsul olduğu üçün marketlərdə qiymət ucuzlaşdırılıb ki, insanlar alsın”.
Aydın Vəliyev qeyd edib ki, yumurtanın yenidən bahalaşması gözlənilmir:
"Xaricdən ölkəyə gətirilən məhsullarda bahalaşma olarsa, o zaman marketdə qiymətlər də qalxa bilər”.
Qeyd edək ki, bundan əvvəl yumurtanın qiyməti 15-20 qəpik arasında dəyişirdi.
Xəbərdən istifadə edərkən istinad etmək vacibdir.
