"İllik 10 milyard kubmetr Azərbaycan qazının inşa ediləcək yeni boru xətti ilə Türkiyə üzərindən Avropaya nəql edilməsini nəzərdə tutan müqavilələr imzalanıb.”

"Türkmən və Qazaxıstan nefti də Bakı-Tbilisi-Ceyhan əsas ixrac boru xətti ilə nəql edilir”

Bunu Türkiyə prezidenti Rəcəb Tayyib Ərdoğan bəyan edib.

Türkiyənin bölgədə enerji bazası olmaq istiqamətində sürətlə irəlilədiyini vurğulayan R.T.Ərdoğan İraq-Türkiyə xam neft boru xətti sistemi və Bakı-Tbilisi-Ceyhan əsas ixrac neft boru xətti ilə nəql olunan neftin Türkiyə ərazisindən keçərək dünya bazarına çıxdığını bildirib: "Türkmən və Qazaxıstan nefti də Bakı-Tbilisi-Ceyhan əsas ixrac boru xətti ilə nəql edilir. "Kərkük-Yumurtalık" neft boru xətti razılaşmasının müddəti 20 il uzadılıb. Bu boru kəməri ilə nəql edilən neftin həcmi gələcəkdə artacaq.

Azərbaycanla 2018-ci ildən etibarən illik altı milyard kubmetr təbii qazın Türkiyəyə nəqlini nəzərdə tutan razılaşma, eləcə də illik 10 milyard kubmetr Azərbaycan qazının inşa ediləcək yeni boru xətti ilə Türkiyə üzərindən Avropaya nəql edilməsini nəzərdə tutan müqavilələr imzalanıb.

"Şahdəniz" boru xətti ilə nəql ediləcək qaz təkcə Türkiyənin deyil, Avropa İttifaqı ölkələrinin də ehtiyacını qarşılayacaq."