Qızılın qiyməti düşüb. İnvestorlar ABŞ-ın Federal Ehtiyatlar Sisteminin (FES) baza faiz dərəcəsini daha da artırmaq perspektivlərini qiymətləndirirlər.
Xeberle.com birjalara istinadən xəbər verir ki, Nyu-Yorkun "Comex” birjasında qızılın iyun fyuçersləri 0,29%, yaxud 5,7 ABŞ dolları ucuzlaşaraq, 1 unsiyası 1 928,3 ABŞ dollarına satılıb. Gümüşün may fyuçerslərinin qiyməti isə 0,06% artaraq, 1 unsiyası 24,578 ABŞ dolları təşkil edib.
İnvestorlar hesab edirlər ki, ABŞ FES tezliklə baza faiz dərəcəsini daha da artıracaq. Bu isə, milli valyuta üçün müsbət, qızıl üçün mənfi amildir.
Bundan başqa, ABŞ-ın 10 illik "US Treasuries” istiqrazlarının gəlirliliyinin 2,412%-dən 2,421% səviyyəsinədək artması da qiymətli metalın qiyməti üzərində təzyiq yaradır.
Xəbərdən istifadə edərkən istinad etmək vacibdir.
