"Enerji resurslarından səmərəli istifadə və enerji effektivliyi haqqında” qanuna təklif edilən dəyişiklik edilir.
Xeberle.com xəbər verir ki, bununla bağlı Milli Məclisin bu gün keçirilən plenar iclasında layihə müzakirəyə çıxarılıb.
Dəyişikliyə əsasən, enerji istehlakına dair məlumatın əldə edilməsi və iqtisadi cəhətdən səmərəli enerji istehlakı imkanlarının müəyyənləşdirilməsi məqsədilə enerji auditi binaların qiymətləndirilməsini də əhatə edəcək.
Qüvvədə olan qanuna əsasən, enerji auditi enerji istehlakına dair məlumatın əldə edilməsi və iqtisadi cəhətdən səmərəli enerji istehlakı imkanlarının müəyyənləşdirilməsi məqsədilə qeyri-yaşayış sahələrinin və təsərrüfatların qiymətləndirilməsidir. Layihəyə əsasən, enerji auditi enerji istehlakına dair məlumatın əldə edilməsi və iqtisadi cəhətdən səmərəli enerji istehlakı imkanlarının müəyyənləşdirilməsi məqsədilə binaların (qurğuların) və təsərrüfatların qiymətləndirilməsi olacaq.
Layihə səsə qoyularaq, birinci oxunuşda qəbul olunub.
Xəbərdən istifadə edərkən istinad etmək vacibdir.
