"Azərenerji” ASC-nin Elektrik Enerjisinin İstehsalı İdarəsinin "Sumqayıt” elektrik stansiyası ötən il ərzində 2 milyard 589,6 milyon kilovatsaata yaxın elektrik enerjisi istehsal edib.
"Azərenerji” ASC-nin mətbuat xidmətindən bildirilib ki, cari ilin yanvar ərzində burada 284,6 milyon kilovatsaata yaxın elektrik enerjisi istehsal olunub.
Qeyd edilib ki, avadanlıqların iş səmərəliliyinin artırılması, enerjinin ötürülməsi və paylaşdırılması sistemlərinin dayanıqlı, sabit işləməsi və istismar səviyyəsinin yüksəldilməsi istiqamətində həyata keçirilmiş tədbirlər nəticəsində bu dövr ərzində elektrik enerjisi istehsalının digər texniki-istehsalat göstəriciləri üzrə də yüksək nəticələr əldə edilib.
Ötən ilin son üç ayı ərzində də stansiyanın optimal iş rejimini saxlamaq üçün cədvəl üzrə avadanlıqlara texniki xidmət göstərilib.  (azertag.az)