Sumqayıtda əhaliyə göstərilən xidmətlərin həcmi açıqlanıb.
Xeberle.com-un məlumatına görə, 2022-ci ilin yanvar-iyun aylarında şəhər əhalisinə istehlak məqsədi ilə 825 milyon 138 min 400 manatlıq istehlak malları satılıb və ödənişli xidmətlər göstərilib.
Ticarət dövriyyəsinin həcmi ötən ilin eyni dövrü ilə müqayisədə müqayisəli qiymətlərlə 2,5 faiz artaraq 671 milyon 867 min 400 manat olub. İaşə şəbəkələrində əhaliyə 15 milyon 420 min manatlıq və ya ötən ilin müvafiq dövrü ilə müqayisədə 55,8 faiz çox iaşə xidmətləri göstərilib.
Əhaliyə göstərilən ödənişli xidmətlərin həcmi isə 153 milyon 271 min manat olub ki, bu da 2021-ci iln hesabat dövrü ilə müqayisədə 7,6 faiz artıb.
Turqut Rzalı
Xeberle.com
Xəbərdən istifadə edərkən istinad etmək vacibdir.
